Զարգացնել հայկական գիտահանրամատչելի և փաստավավերագրական կինոն ՀՀ-ում և օտարերկրյա պետություններում։

Կինոյի միջոցով խթանել Հայաստանյան, հայկական թեմաների և պատմությունների հանրահռչակմանը ՀՀ-ում և օտարերկրյա պետություններում։

Ստեղծել գիտահանրամատչելի և փաստավավերագրական ֆիլմեր, ֆիլմաշարեր, հաղորդումներ և հաղորդաշարեր։

Աջակցել ՀՀ-ում ստեղծվող ֆիլմերի ստեղծագործական, տեխնիկական և արտադրական աշխատանքներին՝ առաջնահերթությունը տալով երիտասարդ կինոգործիչներին։

Նպաստել ՀՀ-ում ստեղծված և ստեղծվող ֆիլմերի ուսումնասիրությանը, տարածմանը և հանրահռչակմանը։

Իրականացնել սոցիալական և գիտական ուսումնասիրություններ՝ ՀՀ-ում արտադրվող ֆիլմերի վերաբերյալ։

Ստեղծել համագործակցության հնարավորություններ ՀՀ-ում գործող և արտասահմանի կինոգործիչների միջև՝ առաջնահերթությունը տալով երիտասարդ կինոգործիչներին։

Նպաստել պատանիների, երիտասարդների և կանանց ներգրավվածությանը կինոյի ոլորտում։

Ստեղծել արվեստի, հատկապես՝ կինոյի, ինչպես նաև մշակույթի, լրագրության և գիտության ոլորտների ուսանողների համար ֆիլմերի ստեղծման աշխատանքներին ներկա լինելու կամ մասնակցելու հնարավորություններ։

Գիտական, կրթական, ուսումնական բոլոր տեսակի հաստատությունների հետ համագործակցելու միջոցով սերմանել գիտության, կրթության, ուսման և կինոյի հանդեպ հետաքրքրվածություն՝ դպրոցականների, ուսանողների և այլ կրթություն ստացողների շրջանակներում։

Իրականացնել գիտական, կրթական, ուսումնական և մշակութային ծրագրեր։

Կազմակերպել կինոյի ոլորտի զարգացմանը, ճանաչմանը նպաստող ուսումնական միջոցառումներ։

Նպաստել ՀՀ-ում կինոյի նկատմամբ հասարակական հետաքրքրության բարձրացմանը։

Խրախուսել ՀՀ քաղաքացիների, հատկապես՝ երիտասարդների, մասնակցությունը հասարակական-քաղաքական գործընթացներին՝ բացառապես կինոյին առնչվող հարցերի վերաբերյալ։

Պատրաստել և տարածել կինոյի մասին գիտական, կրթական, ուսումնական կամ սիրողական նյութեր՝ գրքերի, ամսագրերի, թերթերի, ինտերնետային և այլ հարթակների միջոցով։

Նպաստել Հայաստան-Սփյուռք մշակութային կապի ամրապնդմանը։

Խթանել ազգային մտածողության ձևավորմանը՝ հայոց պատմության ու մշակույթի մասին ֆիլմերի ստեղծմամբ ու տարածմամբ։